Elvin Məmmədov: “Layiqincə mübarizə apardıq”

“Oyuna tam ciddi hazırlaşmışdıq. Bizi nəyin gözlədiyini yaxşı bilirdik. Futbolçular çox yaxşı mübarizə apardı. Matçın sonlarında bir az yorğunluq baş verdi. Rəqibin də təzyiqi var idi, üstümüzə daha çox gəlirdilər. Layiqincə mübarizə apardıq. Yaxşı futbol oynadıq. Bu gün bizə nəsib deyilsə, demək ki, qarşıdakı matçlara baxmaq lazımdır”.

Futbolxeber.az saytının məlumatına görə, bu sözləri "Səbail"in baş məşqçisi Elvin Məmmədov Azərbaycan Premyer Liqasının XXXI turunda “Sabah”a 2:3 hesabı ilə uduzduqları oyundan sonra deyib.

Mütəxəssis hesabda iki dəfə önə çıxmalarına baxmayaraq, sonda uduzmalarının səbəbini belə izah edib: “Burada "Sabah"ı qeyd etmək lazımdır. Bu klubun futbolçuları fərdi olaraq keyfiyyətlidirlər. Onlar üstümüzə bir az da çox gəlməyə başladı. Həm konsentrasiya, həm də fiziki güc çatmadı. Ən vacibi də konsentrasiyanın itməsi idi”.