“Turan Tovuz”un 30-cu sülhü

“Turan Tovuz” Azərbaycan çempionatlarında 30-cu heç-heçəsini edib.

Futbolxeber.az-ın Peşəkar Futbol Liqasının saytına istinadən verdiyi məlumata görə, bu, Azərbaycan Premyer Liqasının 31-ci turunun “Araz-Naxçıvan”la görüşündə qeydə alınıb.

Qərb klubu 103-cü matçında 30-cu sülhə imza atıb - 1:1. Bu bərabərliklərdən 12-si evdə, 18-i səfərdə gerçəkləşib.

Qeyd edək ki, “Turan Tovuz” ölkə çempionatları tarixində ən azı 30 heç-heçə edən 23-cü komandadır.