“Zirə” penaltilərlə məğlub oldu

Bu gün UEFA Avropa Liqasında 1-ci təsnifat mərhələsinin cavab oyunları keçirilir.

Futbolxeber.az saytının məlumatına görə, "Zirə" Bakıda Moldova "Şerif"ini qəbul edib.

İlk maçtda 1:0 hesablı qələbə qazanan “Zirə” cavab görüşündə bu hesabı açan tərəf təmsilçimiz olub. Lakin birinci hissənin sonunda azlıqda qalan Rəşad Sadıqovun komandası 1:2 hesabı ilə uduzub. Ümumi nəticə 2:2 olduğundan əlavə vaxta ehtiyac duyulub. 30 dəqiqə ərzində fərqlənən tərəf olmayıb və nəticədə cütün taleyini penaltilər həll edib. Burada məğlub olan "Zirə" Avroliqa ilə vidalaşıb. 

"Zirə" mübarizəni Konfrans Liqasının ikinci mərhələsində davam etdirəcək. Rəqib isə Slovakiyanın "Dak-1904" klubudur.

UEFA Avropa Liqası

I təsnifat mərhələsi, cavab oyunu

18 iyul

"Zirə" (Azərbaycan) - "Şerif" (Moldova)  1:2 (Penaltilər - 4:5)

"Dalğa Arena"