“Turan Tovuz” azarkeşlərə səsləndi: Finala bərabər son 6 oyun!

Sabah Azərbaycan Premyer Liqasının 31-ci turu çərçivəsində öz meydanında “Sumqayıt”ı qəbul edəcək “Turan Tovuz” azarkeşlərə səslənib.

Futbolxeber.az saytının məlumatına görə, Tovuz klubunun rəsmi feysbuk səhifəsində bununla bağlı qeyd olunub:

“Gücünü 12-ci oyunçusundan alan komandamız yeni tarix yazmaq astanasındadır. Qəhrəman rayonumuza, əzəmətli "Turan Tovuz"umuza yenidən qitəmiyaslı yarışlarda təmsil olunmaq imkanı yaranıb. Bu zəfər yolunu birlikdə addımlayaq. Hər birinizi 19 aprel, saat 16:30-da "Turan Tovuz" - "Sumqayıt" oyununa dəvət edirik.

Sənsiz bir nəfər azlıqdayıq. Biletini al, komandana dəstək ol.

Hünərimiz var yeni tarix yazmağa!”