“Səbail”in hücumçusu: 1 qol, 2 qələbə

"Səbail”in futbolçusu Ayub Masikanın dəvət aldığı Keniya millisi yığma komandaların oyunlarına görə yaranmış fasilə müddətində iki yoxlama matçı keçirib.

Futbolxeber.az saytının məlumatına görə, Keniya əvvəlcə səfərdə Malavi ilə qarşılaşıb. Meydana start heyətində çıxan Masika 85-ci dəqiqədə Con Avire ilə əvəzlənib.

Görüş Keniya yığmasının 4:0 hesablı qələbəsi ilə başa çatıb. Komandanın üçüncü qolunu 83-cü dəqiqədə “Səbail”in hücumçusu vurub.

Dünən isə Keniya millisi Zimbabve ilə qarşılaşıb. Meydana start heyətində çıxan “Səbail”in üzvü 90+2-ci dəqiqədə Kayci Odhiambo ilə əvəzlənib. Masikenin komandası bu matçda da meydanı qələbə ilə tərk edib - 3:1.