Coşqunun komandası qələbəni sonda əldən verdi

Türkiyə birinci liqasında 16-cı turun oyunları keçirilir.

Futbolxeber.az saytının məlumatına görə, milli komandamızın yarımmüdafiəçisi Coşqun Diniyevin formasını geydiyi “Ümraniyespor” səfərdə “Erzurumspor”la qarşılaşıb.

Meydana start heyətində çıxan həmyerlimiz 87-ci dəqiqədə İlhami Sirachanla əvəzlənib. Coşqun meydanı tərk edərkən sarı vərəqə ilə cəzalanıb.  

Matç 1:1 hesabı ilə yekunlaşıb. Diniyevin komandası 40-cı dəqiqədə Uğur Yıldızın qolu ilə hesabda önə keçsə də, 90+5-ci dəqiqədə qapısında qol görməklə qələbəni əldən verib.

Bu heç-heçədən sonra xallarının sayını 19-da çatdıran “Ümraniyespor” 18 komanda arasında 10-cu pillədə qərarlaşıb. İlk dövrənin son turunda Coşqunun komandası öz meydanında autsayderlər qrupunda qərarlaşan “Giresunspor”u qəbul edəcək. Bu matç dekabrın 24-də keçiriləcək.