“Qəbələ” Boluya yollanacaq

Ölkəmizi UEFA Konfrans Liqasında təmsil edəcək “Qəbələ”nin hazırlıq planlarına qismən aydınlıq gəlib.

Futbolxeber.az saytına bu haqda komandanın baş məşqçisi Elmar Baxşıyev məlumat verib.

O qeyd edib ki, komandası yeni mövsümün hazırlıqlarına Qəbələdə start verəcək. İlk mərhələdə doğma məkanda hazırlıq keçəcək “qırmızı-qaralar” daha sonra Türkiyəyə yollanacaq. “Qəbələ”nin hazırlığının ikinci mərhələsi böyük ehtimalla Boluda olacaq.

Elmar Baxşıyev əlavə edib ki, toplanışların dəqiq tarixləri qarşıdakı günlərdə müəyyənləşəcək.