"Qarabağ" - "Qalatasaray" matçının biletləri nə vaxt satışa çıxır?

"Qarabağ"la Türkiyənin "Qalatasaray" klubu arasında keçiriləcək xeyriyyə matçının biletlərinin nə vaxt satışa çıxacağı məlum olub.

Futbolxeber.az saytının məlumatına görə, biletlər martın 16-dan satışda olacaq.

Biletləri həm onlayn şəkildə, həm də satış məntəqələrindən əldə etmək olar.

Sektorlardan asılı olaraq biletlərin qiyməti 3-5-30-50 manat təşkil edəcək. VİP biletlərin qiyməti isə 100 manat olacaq.

Bilet satışından əldə olunacaq gəlir Türkiyədə baş verən zəlzələdən zərər çəkənlər üçün göndəriləcək.

Qeyd edək ki, martın 26-da Bakı Olimpiya Stadionunda keçiriləcək "Qarabağ" - "Qalatasaray" oyunu saat 20:00-da başlayacaq.