"Neftçi" qələbəni əldən verdi

Türkiyənin Antalya şəhərində təlim-məşq toplanışında olan "Neftçi" bu gün ilk yoxlama matçına çıxıb. 

Futbolxeber.az saytının məlumatına görə, Flaqman Macarıstanın “Vaşaş” klubu ilə qarşılaşıb. "Ağ-qaralar" fasiləyə üstün yollansalar da, rəqib ikinci yarıda məğlubiyyətdən qaçıb.

Yoxlama oyunu

10 yanvar

“Neftçi” (Azərbaycan) - “Vaşaş” (Macarıstan) - 1:1

Qollar: Kenni Sayef, 24 (1:0), David Zimonyi, 67 (1:1)

"Vaşaş" Macarıstanın yüksək liqasında çıxış edir və hazırda yerli çempionatda 16 turdan sonra 15 xalla 12 komanda arasında sonuncudur.

Qeyd edək ki, Laurentsiu Regekampfın rəhbərlik etdiyi komanda yanvarın 15-də "Medz Leqniça” və “Baçka Topola”, yanvarın 19-da isə “Srvena Zvezda” ilə qarşılaşacaq.