"Qarabağ"dan 10-cu oyunda 10-cu qələbə

Azərbaycan Premyer Liqasında 11-ci tura start verilib.

Futbolxeber.az saytının məlumatına görə, ilk oyun günündə 1 görüş keçirilib.

Turun açılış matçında lider "Qarabağ" "Turan Tovuz"u qəbul edib. Görüş Ağdam təmsilçisinin 3:0 hesablı qələbəsi ilə başa çatıb.

Bununla da Qurban Qurbanovun komandası 10 oyuna 10-cu qələbəsini qazanıb və 30 xalla liderliyini möhkəmləndirib.

“Turan Tovuz” isə 12 xalla əvvəlki kimi 6-cı pillədə qərarlaşıb.

Cari mövsümdə qollarının sayının 10-a çatdıran Ramil Şeydayev isə bombardirlər yarışında vahid liderdir.

Qeyd edək ki, turun digər qarşılaşmaları oktyabrın 22-23-də keçiriləcək.

Azərbaycan Premyer Liqası

XI tur

20 oktyabr (cümə axşamı)

“Qarabağ” - “Turan Tovuz” - 3:0

Qollar: Kvabena Ovusu, 2, Ramil Şeydayev, 42-pen. Filip Ozobiç, 53

Hakimlər: Vüqar Həsənli, Akif Əmirəli, Müslüm Əliyev, Kamranbəy Rəhimov

“Azersun Arena”

22 oktyabr (şənbə)

16:00. “Qəbələ” - “Kəpəz”

18:30.“Sumqayıt” - “Zirə”

23 oktyabr (bazar)

16:00.“Səbail” - “Şamaxı”

18:30.“Neftçi” - “Sabah”