“Qrup mərhələsini Azərbaycan üzərində qələbə ilə başa vurmaq istəyirik”

Qazaxıstan millisinin futbolçusu Abılayxan Jumabek yerli federasiyanın feysbuk səhifəsinə açıqlama verib. 

Futbolxeber.az saytının məlumatına görə, o, Millətlər Liqasının qrup mərhələsinin son oyununda Azərbaycanla keçirəcəkləri görüş barədə danışıb:

“Daha bir matçımız var. Qrup mərhələsini Azərbaycan üzərində qələbə ilə başa vurmaq istəyirik. Baş məşqçi dedi ki, turnir hələ bitməyib. Son oyunda qalib gəlməliyik”.

Qeyd edək ki, sabah “Dalga Arena”da oynanılacaq Azərbaycan – Qazaxıstan görüşü saat 20:00-da başlayacaq.