“Şerif”in ermənilərlə oyununda “Qarabağ Azərbaycandır” aksiyası

Moldova Azərbaycanlıları Konqresi “Qarabağ Azərbaycandır!” adlı aksiya keçirib.

Futbolxeber.az saytının "Azərtac"a istinadən verdiyi məlumata görə, 100-ə yaxın soydaşımız UEFA Avropa Liqasının pley-off mərhələsində Kişinyovda keçirilən “Şerif” (Moldova) - “Pünik” (Ermənistan) qarşılaşmasında ingilis və Azərbaycan dillərində yazılan “Qarabağ Azərbaycandır!” şüarı olan köynək geyinərək Moldova komandasına dəstək olublar.

Aksiyada Azərbaycan və Moldovanın dövlət bayraqları dalğalandırılıb.

Qeyd edək ki, bu qarşılaşmada Moldovanın “Şerif” komandası qalib gələrək UEFA Avropa Liqasının qrup mərhələsinə vəsiqə qazanıb.