Ayxan Abbasovun yubiley oyunu

“Sumqayıt”ın çalışdırıcısı Ayxan Abbasov Azərbaycan Premyer Liqasında baş məşqçi kimi 100-cü oyununu keçirib.

Futbolxeber.az saytının məlumatına görə, bu, 19-cu turun “Sabah” - “Sumqayıt” matçına (1:1) təsadüf edib.

Hesabında eyni sayda - 35 qələbə və məğlubiyyət olan mütəxəssis yubiley matçında yubiley - 30-cu heç-heçəsinə imza atıb. Abbasov Premyer Liqada iki kluba rəhbərlik edib. O, 2017-18-ci illərdə “Zirə”ni 44, 2018-ci ildən indiyədək “Sumqayıt”ı 56 qarşılaşmaya çıxarıb.

Qeyd edək ki, onun Premyer Liqada baş məşqçi kimi debütü 2016/17 mövsümünün ikinci yarısına təsadüf edib. 2017-ci il yanvarın 29-da “Zirə” öz meydanında AZAL-a 2:1 hesabı ilə qalıb gəlib.