Laval: “Zirə”yə məğlubiyyətdən sonra özümüzə gəlməliydik”

“Neftçi”nin yarımmüdafiəçisi Yusuf Laval “Sabah”la oyundan sonra açıqlama verib.

Futbolxeber.az saytının məlumatına görə, nigeriyalı futbolçu qələbənin psixoloji baxımdan çox vacib olduğunu bildirib:

“Hələ də optimal formada deyiləm, amma ən yaxşı formamı qaytarmağa çalışıram. Baş məşqçi də məndən bunu tələb edir. Təbii ki, bunun öhdəsindən gələcəm. Bu qələbə psixoloji baxımdan çox vacib idi. Çünki “Zirə”yə məğlubiyyətdən sonra özümüzə gəlməliydik. Belə davam etməliyik. Belə davam etsək, mövsümün sonunda məqsədimizə çatacağıq. Bu əlçatmaz deyil. Çünki hazırda turnir cədvəlinin 1-ci pilləsində qərarlaşmışıq”.

Laval mövsümdə 5-ci dəfə məhsuldar ötürmə verməsinə də münasibət bildirib: “Qarşıma qol ötürmələrinin sayına görə birinci olmaq məqsədi qoymamışam. Məqsədim odur ki, komandamız mövsümü ən yaxşı nəticə ilə başa vursun”.