Monteneqronun baş məşqçisi Azərbaycan millisi ilə oyundan danışdı

“Mümkündür ki, bizimlə oyunda Azərbaycan millisi təzə olsun. Çünki onlar matça oyun keçirmədən çıxacaqlar. Biz isə belə meydanda çıxış etdik».

Futbolxeber.az saytının məlumatına görə, bunu Monteneqro yığmasının baş məşqçisi Faruk Hacibegiç Podqoritsadakı "Qradski" stadionunda Latviya ilə 1:1 hesablı heç-heçə etdikləri yoldaşlıq görüşündən sonra deyib.

O bildirib ki, meydanın ot örtüyünün oktyabrın 10-da Azərbaycanla keçirəcəkləri UEFA Millətlər Liqasının III tur oyununda da ürəkaçan olmayacağı gözlənilir. Lakin o, belə örtükdə oyun təcrübəsindən yararlanaraq, erkən qol vurmağa çalışacaqlarını diqqətə çatdırıb.

Hacibegiç növbəti qarşılaşmalara buraxacağı heyəti müəyyənləşdirdiyini və seçimində şübhə etmədiyini söyləsə də, COVİD-19 testinin nəticəsini gözləməli olacaqlarını əlavə edib.

Qeyd edək ki, Monteneqro- zərbaycan matçı Bakı vaxtı ilə saat 17:00-da başlanacaq. Oktyabrın 13-də isə Monteneqro Lüksemburqu qəbul edəcək.