Armin Fe: "Qarabağ"ın üstünlüyü ondadır ki..."

Sabah Avroliqanın play-off mərhələsində "Qarabağ"ın rəqibi olan "Anytraxt"ın baş məşqçisi Armin Fe bu gün oyunöncəsi mətbuat konfransı keçirib. Futbolxeber.az-ın məlumatına görə, o, "Qarabağ"ın daha əvvəl qarşılaşdığı Dortmund "Borussiya"sının baş məşqçisi Yurgen Kloppdan məsləhət almadığını qeyd edib: "Azərbaycan liqası haqda məlumatım yoxdur. "Qarabağ"ın Avropada rəqibləri Bubdesliqa komandası səviyyəsində olmayıb.Yaxşı baş məşqçiləri var, topla yaxşı oynayırlar. Buna görə bizə asan olmayacaq. Futbolçularım qalib gəlmək üçün bütün güclərini qoymalı olacaq. Nəinki Kloppdan, heç Lippert və ya Foqtsan da məsləhət almamışam. Sabahkı oyundan yaxşı nəticə gözləyirik. Biz istəyirik ki, burdan elə bir nəticə ilə qayıtmalıyıq ki, yekunda qrupa düşək. "Qarabağ"ın üstünlüyü ondadır ki, bizdən çox oyun keçirib".