“Sabah” 2 topluq üstünlüyü əldən verdi

Antalyada təlim-məşq toplanışında olan “Sabah” hazırlıq prosesi çərçivəsində növbəti yoldaşlıq matçını keçirib.

Futbolxeber.az saytının məlumatına görə, Premyer Liqanın debütantı Türkiyədəki ikinci sınağında Qazaxıstanın "Tobol" klubuyla qüvvəsini sınayıb.

"Titanik" otelinin stadionunda keçirilən matçda "Sabah" 2:0 hesabda öndə olsa da, üstünlüyünü sona kimi qoruya  bilməyib. Matç 2:2 hesabı ilə başa çatıb. Təmsilçimizin qollarını Rəşad Eyyubov və Cavid İmamverdiyev vurub.

Qeyd edək ki, "Sabah" Antalyadakı ilk yoxlama oyununda Türkiyənin birinci liqa təmsilçisi "Əskişəhərspor"u 1:0 hesabıyla məğlub edib.

Əlavə  edək ki, paytaxt təmsilçisi "Tobol"la matçdan sonra Antalyada daha 2 yoxlama oyunu keçirəcək. Elşad Əhmədovun komandası yanvarın 19-da Macarıstanın MTK klubu ilə qarşılaşacaq. Yanvarın 22-nə daha bir oyun nəzərdə tutulsa da, rəqib hələlik dəqiqləşməyib.