"Qarabağ" "Vorskla" ilə görüşlərdə qələbə qazana bilər"

“Qarabağ”ın Avropa Liqasına iki turdan sonra daha yaxşı nəticə göstərəcyini gözləyirdim. Amma rəqiblər də çox çətin rəqiblər idi”.

Bunu Futbolxeber.az saytına açıqlamasında “Qarabağ”ın sabiq futbolçusu Vladimir Dimitrovski deyib.

2015-ci ildə “Qarabağ”da oynamış makedoniyalı hazırda ölkəsində “Rabotniçki” forması geyinir. 29 yaşlı stoper “Qarabağ”ın Avropa Liqasının qarşıdakı turlarında daha uğurlu nəticələr qazanacağına inandığını bildirib:

“Qarşıda hələ dörd tur var və indidən hansı komandanın növbəti mərhələyə çıxdığını demək düzgün deyil. “Qarabağ”ın qarşıdakı turda “Vorskla” ilə görüşlərdə uğurlu çıxışına inanıram. Məncə, “Qarabağ” həm Bakıda, həm də Ukraynada qalib gələ bilər. Amma nə qədər çox çətin olacağını da təsəvvür edirəm. Ümidvaram ki, “Qarabağ” qrupda istədiyi nəticəni qazana biləcək”.