Xorvat qapıçı: "Qarabağ" qrupda yaxşı nəticə qazana bilər"

“Qarabağ”ın qapısını qorumuş Miro Varvodiç Futbolxeber.az saytına açıqlam verib.

Ağdam klubunun sabiq kiperi Qurban Qurbanovun komandasının “Sportinq”ə qarşı keçirdiyi görüşü dəyərləndirib. Varvodiç “Qarabağ”ın “Sportinq”ə qarşı yaxşı mübarizə apardığını bildirib: “Oyunu izləmək imkanım oldu. “Qarabağ”ın daha çox müdafiə olunacağı məlum idi. Çünki rəqib adlı-sanlı “Sportinq” idi. Buna baxmayaraq, “Qarabağ”ın da xal qazanmaq şansı var idi.

Bu cür oyunlarda düşən tək-tük qol imkanından yararlanmalısan. Əgər bu alınırsa, xal qazanırsan. Təəssüf ki, “Qarabağ” düşən imkanlardan yararlana bilmədi. Ancaq “Sportinq” kimi güclü komandaya qarşı yaxşı mübarizə apardığını demək olar. Məncə, “Qarabağ” bu çıxışını davam etdirsə, qrupda yaxşı nəticə qazana bilər”.