Qriqorçuk: “Yaxşı nəticə əldə etmək üçün bütün imkanı var”

“Qəbələ”nin baş məşqçisi Roman Qriqorçuk Rusiya mətbuatına müsahibə verib. 

 

Futbolxeber.az-ın məlumatına görə, “Sport uik-end” nəşrinə danışan  ukraynalı mütəxəssis Avropa Liqasının 1/8 final mərhələsinin “Zenit” (Rusiya) – “Anderlext” (Belçika) cütlüyü barədə fikir bildirib. 

 

Təcrübəli çalışdırıcı Rusiya təmsilçisinin favorit olduğunu deyib: “Anderlext" ciddi rəqibdir. "Qəbələ" ilə eyni qrupda yer almışdı. Amma "Zenit" cütün favoritidir. Onlar bütün göstəricilərdə rəqiblərini üstələyirlər. “Zenit”in yaxşı nəticə əldə etmək üçün bütün imkanı var”.

 

"Zenit"in baş məşqçisi Mirça Luçeskudan da söhbət açan Qriqorçuk onunla Ukraynada işləyərkən rəqib kimi qarşılaşdığını deyib: "Luçesku haqda yalnız yaxşı şeylər danışa bilərəm. O, “Şaxtyor”da işləyəndə komandasını elə qurmuşdu ki, mənə əvvəlcədən hər şey aydın olurdu. Yəni, rəqib necə oynayacaq və səni nə gözləyir. Taktiki mənada təşkilatlanmış oyunları vardı. Həm də futbolçularının fərdi ustalığına görə “Şaxtyor”un Ukrayna çempionatında yaxşı nailiyyətləri olurdu”.

 

Qeyd edək ki, UEFA Avropa Liqasında 2016/17 mövsümünün qrup mərhələsində “Anderlext”lə üz-üzə gələn “Qəbələ” rəqibinə həm səfərdə, həm də evdə eyni hesabla, yəni 1:3 uduzmuşdu.