"Qarabağ"da zədəlilərdən biri qayıtdı

"Qarabağ" Antalyada qış təlim-məşq toplanışını davam etdirir. 

 

Futbolxeber.az-ın məlumatına görə, Ağdam təmsilçisi dünən - hazırlığın doqquzuncu günündə bir məşqlə kifayətlənib. Yerli vaxtla saat 17:00-da (Bakı vaxtıyla 18:00) start götürən məşq təxminən 90 dəqiqə davam edib. Futbolçular isinmə hərəkətlərin ardından fiziki təmrin və toplu çalışmalarla kifayətlənib. Bir neçə gündür, fərdi məşq edən Elşən Abdullayev də komandayla çalışmalara qoşulub. Reynaldo Silva isə fizioterapivt nəzarəti altında məşqlərini davam etdirib.

 

Digər zədəli futbolçu Coşqun Diniyev isə məşqdə iştirak etməyib.

 

Qeyd edək ki, “Qarabağ”ın bu gün üçün iki məşqi nəzərdə tutulub.