I Divizionda IX tur start götürdü

Futbol üzrə Azərbaycan I Divizionunda 9-cu tura bu gün keçirilən dörd oyunla start verilib. Futbolxeber.az saytının məlumatına görə, ilk 7 turdan maksimum nəticə göstərən çempionatın lideri “Turan Tovuz” ardıcıl ikinci matçda xal itirib.

Baş məşqçi dəyişikliyi olan MOİK “Bakılı” üzərində böyükhesablı qələbə qazanıb.

Ötən tur MOİK-i üstələyən “Şəmkir” isə bu dəfə meydanı xalsız tərk edib.

Qazaxdan 3 xalla qayıdan “Zaqatala” ikinci pilləyə yüksəlib.

“Mil-Muğan” 0-0 “Turan Tovuz”

MOİK 4–1 “Bakılı”

(Ramil Orucov, 6; 50; Cavid Muxtarzadə, 54; Anar Həsənov, 70 // Ramil Həşimzadə, 89)

“Qaradağ Lökbatan” 1-0 “Şəmkir”

(Sabir Allahquliyev, 70)

“Göyəzən” 1-3 “Zaqatala”

(Zahid Sadıqov, 48 // Oruc Balaşlı, 23; Hacı Əhmədov, 27; Roini İsmayılov, 61)