Qurban Qurbanov: “Tez buraxsaz, gedib “Qəbələ”nin oyununa baxacağam”

“Çox vacib qələbə qazandıq. “Fiorentina” məğlubiyyətindən sonra üərimizdə stress çox idi. Futbolçular sonadək mübarizə apardılar. Hər birindən razı qaldım. “Qəbələ”yə də uğurlar arzu edirəm. Tez buraxsaz, gedib onların oyununa baxacağam”. Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov PAOK-la oyundan sonra (2:0) deyib.

Təcrübəli mütəxəssis 5 gün əvvəl rəqibin oyununu canlı olaraq stadiondan izlədiyini qeyd edib: “İlk hissədə rəqib futbolçular bizim oyunçulara qarşı çox sıx oynayırdılar. Buna görə oyunumuz istədiyimiz kimi alınmırdı. Əvvəlcədən tapşırmışdım ki, səhvlərimiz az olsun. Bunu daha əvvəl deməmişdim. Mən 5 gün əvvəl PAOK-un oyununu Yunanıstanda canlı izləmişdim. Çox yaxşı komanda olduqlarını bilirdim. Rəqibi yaxşı analiz etmişdik”.