“Neftçi” azarkeşləri stadiondan uzaqlaşdırıldılar

Topaz Premyer Liqasının VIII turu çərçivəsində keçirilən “Zirə” - “Neftçi” oyununda insident yaşanıb. Futbolxeber.az saytının Zirədə olan əməkdaşının verdiyi məlumata görə, “Zirə”nin ikinci qolu vurmasından sonra “Neftçi” fanatları təhqiredici ifadələrdən, söyüşdən istifadə ediblər.

Nəticədə polislər Nurlan adlı azarkeşi tribunadan kənarlaşdıraraq PPX maşınına tərəf aparıblar. Yalnız digər azarkeşlərin müraciətindən sonra “Neftçi” fanatı bölməyə aparılmayıb. Lakin bir şərtlə ki, fanatlar stadionun ərazisini tərk etsinlər. Nəticədə 7-8 “Neftçi” azarkeşi arenadan uzaqlaşdırılıb.