“İnter Arena”da “Cavid, azarkeş səni gözləyir” şüarı

Topaz Premyer Liqasının VIII turunda “Qəbələ” səfərdə “İnter”lə qarşılaşır. Futbolxeber.az saytının məlumatına görə, “İnter Arena”da keçirilən görüşü izləyənlər arasında “Qəbələ”nin sabiq kapitanı, 3 gün əvvəl həbsdən çıxan Cavid Hüseynovun olduğu da deyilir. Hətta “Qəbələ” azarkeşləri Hüseynovu yanlarına da çağırıblar: “Cavid, azarkeş səni gözləyir”.

Qeyd edək ki, əvvəlki oyunlarda olduğu kimi bu dəfə də “Qəbələ” azarkeşləri Cavid Hüseynova dəstəklərini nümayiş etdiriblər.