Qurban Qurbanov: “Qurban axtarıb tapmadılar, axırda bizi qurban seçdilər”

“Rəvan”la oyunumuz sosial şəbəkələrdə müzakirə olundu. Bunu heç söz-söhbət saymaq da olmaz”. Futbolxeber.az saytının məlumatına görə, bu sözləri “Qarabağ”ın baş məşqçisi Qurban Qurbanov deyib.

Təcrübəli mütəxəssis Premyer Liqanın 35-ci turunda “Rəvan”a 1:2 hesabı ilə uduzduqları görüşdən sonra yaşananlara belə reaksiya verib: “Bu söhbəti 1-2 nəfər böyütdü. Heç istəməzdim belə sual da olsun. Biz işimizi hansısa fikrə görə qurmuruq. Mən bu söhbətə heç reaksiya da vermədim. Bu, yaxşı bir dedektiv filmə oxşadı. Qurban axtarıb tapmadılar, axırda bizi qurban seçdilər. Belə söhbətlərə fikir versək, gərək işləməyək. Bu məsələdə mətbuat nümayəndələrinin və hakimlərinin üzərinə də böyük iş düşür. Yalnış yazıb, heç kimin haqqına girmək olmaz”.