Həmyerlimiz rəsmən "Zenit"də

"Zenit" klubu daha 3 futbolçunun keçidini rəsmiləşdirib. Futbolxeber.az-ın məlumatına görə, Sankt-Peterburq klubunun heyətinə qatdığı oyunçular arasında azərbaycanlı futbolçu Ramil Şeydayev də var. Bu haqda Sankt-Peterburq klubunun rəsmi saytı məlumat yayıb. Məlumatda qeyd olunur ki, Şeydayev "Zenit"lə 3 illik müqaviləyə qol çəkib.

Qeyd edək ki, Ramil Şeydayev əslən azərbaycanlı olsa da, 1996-cı il, martın 15-də Sankt Peterburqda anadan olub. Bir müddət əvvəl Arif Əsədov və AFFA rəhbərliyi Ramil Şeydayevi Azərbaycanın U-19 yığmasına cəl etmək istəsələr də, o Rusiya yığmasının şərəfini qorumağı üstün tutmuşdu. Rusiyanın U-17 yığmasının heyətində Avropa çempionu adını qazanan Şeydayev Rusiyanın aşağı yaş qrupu üzrə milli komandalarında ümumilikdə 25 oyuna çıxıb və 10 qol vurub.