Mais Mənsimov izlədi, Yunis Hüseynov “Xəzər Lənkəran”a məşq keçdi

Bir neçə futbolçu ilə yollarını ayıran “Xəzər Lənkəran” məşqlərini davam etdirir. Futbolxeber.az-ın məlumatına görə, bu gün komanda mərkəzi stadionda növbəti məşqinə çıxıb. Klubun rəsmi feysbuk səhifəsində yerləşdirilən fotolardan görünür ki, “Xəzər Lənkəran”ı məşqə baş məşqçi postundan bir neçə gün əvvəl istefa verən Yunis Hüseynov çıxarıb.

Qeyd edək ki, “Xəzər Lənkəran”ın prezidenti Mais Mənsimov da məşqi izləyib.