Hafiz Məmmədov “Bakı”nı ziyarət etdi: “Klub üçün əlimdən gələni əsirgəməyəcəyəm” EKSKLÜZİV

Hafiz Məmmədov bu gün “Bakı”nın bazasını ziyarət edib. Futbolxeber.az-ın məlumatına görə, Məmmədov bazada klub rəsmiləri ilə toplantı keçirib. Toplantıda “Bakı”nın maliyyə məsələləri müzakirə edilib. Hafiz Məmmədov qeyd edib ki, “Bakı” klubu təkcə onun üçün yaşamır. “Bakı” paytaxtın adını daşıyır və klubun gələcək inkişafı üçün əlindən gələni əsirgəməyəcək.

“HAzırda maddi problemlər dünyanın bir çox yerlərində mövcuddur. Bizim də bəzi problemlerimiz var. Ancaq biz yenə də çalışmalıyıq ki, Azərbaycan idmanına dəstək olaq”  deyə, Hafiz Məmmədov əlavə edib.

Klub prezidenti həmçinin bazadakı ümumi vəziyyətlə tanış olub və gələcək strukturla bağlı göstərişlərini verib. Komanda üzvləri ilə görüş zamanı Hafiz Məmmədov tapşırıq verib ki, qarşıdakı 2 gün ərzində bütün işçilərin maaşları ödənilsin.