“Xəzər Lənkəran”da üzlər gülür: zədəlilər məşqlərə başladı

“Xəzər Lənkəran” artıq 2 gündür məşqləri bərpa edib. Bu haqda Futbolxeber.az saytına Lənkəran klubunun mətbuat xidmətinin rəhbəri Hüseyn Cəbrayıloğlu məlumat verib. Klub rəsmisi qeyd edib ki, Bakıda bir araya gələn komanda, məşqlərini “Dalğa Arena”da keçir.

Komandanın zədəli futbolçularından da xəbər var. H.Cəbrayıloğlunun sözlərinə görə, Cahangir Həsənzadə və Ağabala Ramazanovun durumu yaxşılığa doğru gedir. Həsənzadə artıq komandayla birgə məşqlərə də başlayıb. Lakin o, hələlik yüngül tapşırıqları yeniə yetirir.

Ağabala Ramazanov da fərdi qaydada məşqlərə başlayıb. Amma gənc futbolçu hazırda yaşıl meydanda deyil, trenajor zalında çalışır.