Gürcü məşqçi azərbaycanlı azarkeşi vurdu

Topaz Premyer Liqasının 28-ci turu çərçivəsində bu gün keçirilən "Bakı” - “Simurq” oyunundan sonra qalmaqal yaşanıb. Futbolxeber.az-ın məlumatıan görə, "Simurq"un baş məşqçisi Georgi Çixradze matçdan sonra azarkeşin üstünə hücum edib. Qarşılaşma başa çatdıqdan sonra paltardəyişmə otağına yollanan gürcü mütəxəssis tribunadan azarkeşin ona söz atmasından sonra istiqamətini dəyişib. Bu zaman dəmir hasarı aşan Çixradze 65-70 yaşlı azarkeşin üzərinə cumaraq, onun sinəsinə təpiklə zərbə vurub. Hirsi soyumayan çalışdırıcı daha sonra söyüş də söyüb. İşə qarışmalı olan tribunadakılar Çixradzeni aralayaraq, olay yerindən aparıblar.