“Diniyev “İnter”ə neylədi ki?”

Hakimlər Komitəsinin sədri Xaqani Məmmədov Ramil Diniyevin 3 ildən sonra yenidən “İnter”in oyununa təyinat almasına münasibət bildirib. X.Məmmədov Futbolxeber.az saytına verdiyi açıqlamada bunda qeyri-adi heç nə görmədiyini qeyd edib: “Kim deyir ki, Diniyev “İnter”in oyununa təyinat ala bilməz? Bu, hardasa yazılıb? Əvvəl-axır o, “İnter”in oyununu idarə edəcəkdi. Bu gün də (söhbət dünən olub-red.) işinin öhdəsindən gəldi. Özünüz də oyuna baxdınız, Diniyev “İnter”ə neylədi ki? Bu cür fikirləri artıq kənara qoymaq lazımdı. 3 il əvvəl “Bakı”ya qarşı baş tutan oyunda da Diniyev heç bir səhvə yol verməmişdi. O, lazım olan qərarı qəbul etmişdi”.