“Xəzər Lənkəran”da klubdaxili toplantı

“Xəzər Lənkəran”ın mövsümə uğursuz start verməsi klub rəhbərliyini də qane etmir. Futbolxeber.az-ın məlumatına görə, son turda komandanın “Simurq”a uduzması gözlənildiyi kimi narazılıqla qarşılanıb. Bu səbəbdən də bu gün “Xəzər Lənkəran”da klubdaxili toplantı keçiriləcək. Klub prezidenti Mais Mənsimov axşam saatlarında futbolçu və məşqçi heyəti ilə bir araya gələrək, onlara öz iradlarını çatdıracaq.

Xatırladaq ki, yayda heyətini xeyli gücləndirən “Xəzər Lənkəran”ın aktivində 3 turdan sonra cəmi 1 xal var.