“Neftçi” - “Partizan”: avstriyalı hakim hər iki komanda üçün uğursuzdu

Xəbər verdiyimiz kimi, Avroliqanın play-off mərhələsinin cavab oyunu çərçivəsində keçiriləcək “Neftçi” - “Partizan” görüşünü Avstriyadan olan Robert Schörgenhofer idarə edəcək. Futbolxeber.az-ın məlumatına görə, 41 yaçlı referi olduqca təcrübəlidir. O, 2007-ci ildən FİFA hakimi adını daşıyır. Schörgenhofer buna kimi bir dəfə avrokuboklarda “Neftçi”nin oyununu idarə edib. O, 2008-ci ildə İntertoto kubokunun üçüncü təsnifat mərhələsi çərçivəsində keçirilən “Vasluy” - “Neftçi” görüşünün baş hakimi olub. Həmin oyun “ağ-qaralar”ın 062 hesablı yenilgisi ilə başa çatıb. İyulun 26-da baş tutan qarşılaşamada Schörgenhofer “Neftçi”nin 4 futbolçusunu sarı vərəqəylə cəzalandırıb.

2 il əvvəl isə avstriyalı referi “Xəzər Lənkəran” - “Lex” matçında ədaləti qoruyub. Avroliqanın ikinci təsnifat mərhələsinə təsadüf edən matç 1:1 hesabı ilə başa çatıb.

Schörgenhoferinn yolu buna kimi “Partizan”la da 2 dəfə kəsişib. O, 2009-cu ildə Avroliqanın qrup mərhələsi çərçivəsində keçirilən “Partizan” - “Brügge” matçının idarə edib. Belqraddakı oyun “Partizan”ın 2:4-lük yenilgisi ilə tamamlanıb. Noyabrın 5-də baş tutan qarşılaşmada Schörgenhofer “Partizan”ın 5 futbolçusuna sarı, 1-inə isə qırmızı vərəqə göstərib.

Schörgenhoferin “Partizan”ın iştirakı ilə idarə etdiyi digər oyun 2012-ci ildə Avroliqanın play-off mərhələsi çərçivəsində baş tutub. Norveçdə keçirilən “Tromse” - “Partizan” görüşü meydan sahiblərinin 3:2 hesablı qələbəsi ilə tamamlanıb. Göründüyü kimi, Schörgenhofer həm “Neftçi”, həm də “Partizan” üçün uğursuz hakimdir.