“Xəzər Lənkəran”ın Zaqatalakı seriyası qırıldı

Azərbaycan Premyer Liqasının üçüncü turu çərçivəsində “Simurq” öz meydanında “Xəzər Lənkəran”ı 2:0 hesabı ilə məğlub edib. Futbolxeber.az-ın məlumatına görə, bununla da “Xəzər Lənkəran”ın Zaqatalakı seriyası qırılıb. Belə ki, bu oyuna qədər “Simurq” öz meydanında heç vaxt Lənkəran klubunu məğlub edə bilməmişdi. Komandalar arasında daha əvvəl Zaqatalada baş tutan 9 oyunun 5-də heç-heçə qeydə alınmışdı, 4-də isə “Xəzər Lənkəran” qalib gəlmişdi.