Zamiqin komandası het-triklə sevindi

Albaniya çempionatında 30-cu turun oyunları keçirilir.

Futbolxeber.az saytının məlumatına görə, Azərbaycan milli komandasının üzvü Zamiq Əliyevin çıxış etdiyi “Eqnatiya” öz meydanında “Bylis”lə qarşılaşıb. Matç həmyerlimizin komandasının qələbəsi ilə başa çatıb - 3:0. Hər üç qolu Daniel Adjessa vurub.

Zamiq Əliyev də bu matçın iştirakçısı olub. Meydana start heyətində çıxan həmyerlimiz 79-cu dəqiqədə Anio Poci ilə əvəzlənib.

Qeyd edək ki, “Eqnatiya” hazırda 54 xalla turnir cədvəlində ikinci pillədə qərarlaşıb. Komanda lider “Vilaznia”dan 2 xal geri qalır.