"Fənərbaxça"nın futbolçusu azadlıqda

“Fənərbaxça”nın oyun alqı-satqısı şübhəsi ilə saxlanılan futboçusu Mert Hakan Yandaş azadlığa çıxıb.

Futbolxeber.az saytının Türkiyə mətbuatına istinadən verdiyi məlumata görə, 31 yaşlı yarımmüdafiəçi bu gün məhkəmədən sonra azadlığa buraxılıb.

Türkiyə millisinin üzvü  müdafiəsində bildirib ki, ona qarşı irəli sürülən ittihamları qəbul etmir: “Mən nə mərc etmişəm, nə də başqasının mərc etməsinə icazə vermişəm. Mən heç bir mərc saytının üzvü deyiləm. Bilməyinizi istəyirəm ki, mən "Fənərbaxça"nı çox sevirəm və heç vaxt kluba zərər vermərəm. Vergi rekordçusu olan biri bir neçə min lirəyə matç satar?”

Qeyd edək ki, İstanbul Baş Prokurorluğu tərəfindən aparılan “Futbol mərc oyunları araşdırması” çərçivəsində Mert Hakan Yandaş mərc etdiyi iddiası ilə ötən ilin dekabrında həbs edilmişdi.