“Mançester Yunayted” Amorimi istefaya göndərdi

Ruben Amorim “Mançester Yunayted”in baş məşqçisi vəzifəsindən ayrılıb.

Futbolxeber.az saytının məlumatına görə, bu barədə klubun mətbuat xidməti açıqlama yayıb.

Bildirilib ki, portuqaliyalı mütəxəssislə əməkdaşlığa son qoyulub.

Qeyd edək ki, "qırmızı-şeytanlar" İngiltərə Premyer Liqasında 20 oyundan 31 xalla 6-cı yeri tutur.

Əlavə edək ki, Ruben Amorim 2024-cü ilin noyabr ayında “Mançester Yunayted”in baş məşqçisi təyin olunmuşdu.