“Real”ın hücumçusu karyerasında ilk dəfə het-trik etdi

“Real” La Liqanın 18-ci turunda “Betis”i 5:1 hesabı ilə məğlub edib.

Futbolxeber.az saytının məlumatına görə, görüşün qəhrəmanı “Kral klubu”nun hücumçusu Qonsalo Qarsiya olub. 3 dəfə rəqib qapısına yol tapan 21 yaşlı forvard karyerası ərzində ilk dəfə het-trik edib.

Qarsiya əvvəlcə 20-ci dəqiqədə Rodqironun ötürməsindən sonra matçda hesabı açıb. O, ikinci hissədə daha iki dəfə fərqlənib. Gənc forvard əvvəlcə Valverdenin, daha sonra isə Arda Gülərin ötürməsini qola çevirib.

Qeyd edək ki, “Real”ın yetirməsi olan gənc forvard buna qədər cari mövsüm La Liqada meydana çıxdığı 13 oyunun heç birində fərqlənə bilməmişdi.