“Real” niderlandlı yarımmüdafiəçi üçün 45 milyon ödəyə bilər

“Real” “AZ Alkmaar”ın yarımmüdafiəçisi Kes Smiti transfer edə bilər.

Futbolxeber.az saytının “Defensa Central”a istinadən verdiyi məlumata görə, 19 yaşlı futbolçunu “Real” rəhbərliyinə klubun əsas skautu Yuni Kalafat məsləhət görüb. Niderlandlı futbolçunun keçidinin 45 milyon avroya başa gələcəyi ehtimal edilir.

Qeyd edək ki, Smit cari mövsüm bütün turnirlər nəzərə alınmaqla 27 matça çıxıb, 2 qol vurub və 5 məhsuldar ötürmə müəllifi olub. Onun Niderland klubu ilə müqaviləsi 2028-ci ilin yayına kimidir.