“Milan” “Bavariya”nın müdafiəçisi ilə güclənə bilər

“Milan”ın növbəti transfer hədəfi məlum olub.

Futbolxeber.az saytının “La Gazzetta dello Sport”a istinadən verdiyi məlumata görə, “qırmızı-qaralar” “Bavariya”nın müdafiəçisi Kim Min Ceni heyətinə qatmaq istəyir. Koreyalı futbolçu özü də klubunu dəyişməkdə maraqlıdır. Kim Min Ce DÇ-2026 öncəsi daha çox oyun praktikası qazanmaq istəyir.

Qeyd edək ki, Ce daha əvvəl 2022/2023 mövsümündə “Napoli”nin heyətində İtaliya çempionu olub.

Əlavə edək ki, Kim Min Cenin “Bavariya” ilə müqaviləsi 2028-ci ilin iyununa kimidir. O, bu mövsüm Münhen klubunun heyətində bütün turnirlər nəzərə alınmaqla 17 matçda forma geyib.