Antonio Konte: “Qarabağ”a qalib gəlsək, bunu Maradonaya həsr edəcəyik”

“Napoli”nin baş məşqçisi Antonio Konte sabah UEFA Çempionlar Liqasının 5-ci turu çərçivəsində “Qarabağ”a qarşı keçiriləcək oyundan öncə mətbuat konfransı keçirib.

Futbolxeber.az saytının İtaliya mətbuatına istinadən verdiyi məlumata görə, o, komandasındakı zədəlilərin durumundan narahat olduğunu bildirib.

Sabah əfsanəvi Dieqo Maradonanın vəfatının beşinci ildönümüdür və Konte qələbəni dünya futbolunun ikonası olan argentinalıya həsr etmək istədiklərini deyib:

“Əlbəttə, Maradonanın anım günüdür. Onun Neapol üçün nə demək olduğunu hamı bilir. Qalib gəlsək, bunu ona həsr etmək gözəl olar”.

Rəqib haqda danışan Konte “Qarabağ”ın Çempionlar Liqasının sürpriz komandası olduğunu vurğulayıb: “Şənbə günü oynadığımız matç (A seriyasında) yaxşı idi. "Atalanta" kimi fiziki komandaya qarşı oynamaq asan deyildi, amma yaxşı cavab verdik, çox enerji sərf olundu. İndi bərpa olmalıyıq. "Qarabağ"la matça fokuslanırıq, bu, əsla yüngül qəbul ediləcək oyun deyil. "Qarabağ", məncə, bu Çempionlar Liqasının bir növ sürpriz komandasıdır. Onlar yüksək temp gətirəcəklər və biz böyük diqqətlə oynamalıyıq ortaya. "Benfika"nı səfərdə məğlub ediblər, "Çelsi" ilə heç-heçə ediblər, hansı ki, hesabda irəlidə idilər. Keyfiyyətli futbolçuları var”.