Azərbaycanlı futbolçular Latviyada növbəti oyuna çıxdılar

Latviya çempionatında 9-cu turun oyunları keçirilib.

Futbolxeber.az saytının məlumatına görə, azərbaycanlı futbolçular Ramin Nəsirli və Nazim Həsənzadənin komandası “Dauqavpils” evdə “Auda” ilə qarşılaşıb. Futbolçularımızın komandası 0:2 hesabı ilə uduzub.

Ramin 90 dəqiqə meydanda olub. Nazim isə 72-ci dəqiqədə oyuna qoşulub.

“Dauqavpils” hazırda 5 xalla 10 iştirakçı arasında sonuncu pillədə qərarlaşıb.

Xatırladaq ki, müqavilə ilə müvafiq olaraq “Neftçi” və “Turan Tovuz”a məxsus olan Raminlə Nazim “Dauqavpils”də icarə əsasında oynayırlar.