O, “Barselona”ya gəlsə, Fati gedəcək

Ansu Fati yayda “Barselona”dan ayrıla bilər.

Futbolxeber.az saytının məlumatına görə, bu iddia ilə tanınmış jurnalist Fabritsio Romano çıxış edib. O bildirib ki, Kataloniya klubu yayda Yannik Karraskonu heyətində qatsa, Fati klubdan ayrılacaq.

Qış fasiləsində Memfis Depay “Barselona”nı “Atletiko”ya dəyişdi. 2 klub arasındakı razılaşmaya əsasən, Kataloniya klubu yayda Yannik Karraskonu heyətinə qata bilər. Bu keçid baş tutacağı halda, Fati “Barsa”dan ayrılacaq.

Bir müddət əvvəl “Bavariya” vingerlə yaxından maraqlanırdı. Lakin onun “Mançester Yunayted”ə keçmək ehtimalı da yüksəkdir. Çünki Mançester klubunun futbolçunun meneceri ilə münasibətləri əladır.

Bu mövsüm Fati “Barselona”nın heyətində bütün turnirlər nəzərə alınmaqla 30 oyuna çıxıb, 6 qol vurub. La Liqada isə o, 19 görüşdən yalnız 7-də start heyətində yer alıb.