“Fənərbaxça”nın avtobusuna silahlı hücum

Türkiyə superliqasının 26-cı turu çərçivəsində keçirilən "Rizəspor" - "Fənərbaxça" matçından sonra xoşagəlməz hadisə baş verib. Futbolxeber.az-ın məlumatına görə, “Fənərbaxça”lıları daşıyan avtobus stadiondan ayrıldıqdan az sonra silahlı basqına məruz qalıb. Belə ki, naməlum şəxsin açdığı atəşdən sonra avtobusun sürücüsü yaralanıb. Sürücü dərhal yaxınlıqdakı xəstəxanaya çatdırılıb. “Fənərbaxça”nın üzvləri ilə zirehli polis avtobusunda hava limanına çatdırılıblar.

Qeyd edək ki, hadisənin kimlər tərəfindən törədildiyi hələ məlum deyil.