“Mançester Yunayted” daim Ronaldonun qəlbində qalacaq”

Kriştianu Ronaldonun meneceri Jorje Mendeş müştərisinin “Mançester Yunayted”ə mümkün qayıdışı haqda danışıb. Futbolxeber.az-ın məlumatına görə, Mendeş Ronaldonun karyerasını “Real”da bitirəcəyini bəyan edib: “Kriştianu Ronaldo “Mançester Yunayted”i çox qiymətləndirir. “Qırmızı şeytanlar” daim onun qəlbində qalacaq. Çünki orada unudulmaz altı il keçirib. Lakin indi Ronaldonun bütün fikri “Real”la bağlıdır. Madriddəki karyerasından razıdır. Hər kəs anlayır ki, Ronaldonun “Real”dan gedişi mümkünsüzdür. Klub prezidenti ilə də portuqaliyalının münasibəti əladı. Müqaviləsinin müddətindən asılı olmayaraq, Ronaldo karyerasını elə “Real”da bitirəcək”.