29 Mart 2024, Cümə
XXXI və XXXII turun oyun cədvəlləri
Ağabala Ramazanov qayıtdı - FOTO
"Zirə"dən ardıcıl 15-ci qələbə
“Səbail”in hücumçusu: 1 qol, 2 qələbə

Digər idman növləri

Beynəlxalq turnirdə 7 boksçumuz finala yüksəlib

Macarıstanın Eqer şəhərində gənc oğlan və qız boksçular arasında beynəlxalq turnirdə yarımfinal mərhələsinə yekun vurulub.

Futbolxeber.az saytının məlumatına görə, döyüşlərin yekununda Azərbaycan millisinin finalda mübarizə aparacaq idmançılarının sayı 7-yə çatıb.

51 kq çəki dərəcəsində Sübhan Məmmədov yarımfinalda Bertalan Kusa (Macarıstan) qalib gəlib. O, həlledici görüşdə Erik Katona (Slovakiya) ilə üz-üzə gələcək.

Tağı Nəsibov (54 kq) eyni raundda macarıstanlı Matyas Naqi ilə qüvvəsini sınayıb. Boksçu ilk raundda tam üstünlüklə qələbə qazanıb. O, finalda digər macarıstanlı Kozak Kevinlə döyüşəcək.

Məhəmmədəli Aşurəliyev (57 kq) də qızıl medal uğrunda mübarizəni davam etdirəcək. Yarımfinalda Atilla Farkasa 5:0 (30:27, 30:27, 30:27, 30:27, 30:27) hesabı ilə qalib gələn yığma üzvü finalda Milan Pazmanla (Macarıstan) münasibətinə aydınlıq gətirəcək.

Məhəmmədəli Qasımzadə (60 kq) yarımfinalda Mirko Meşarosa (Macarıstan) ikinci raundda tam üstünlüklə qalib gəlib. O, çempionluq üçün Levent Olanla (Macarıstan) döyüşəcək.

75 kq-da Fərhad Şeydayev də uğurlu çıxışını davam etdirib. O, yarımfinalda Zolt Nemetdən (Macarıstan) güclü olub. Həmyerlimiz həlledici dueldə İstvan Şüslə (Macarıstan) qarşılaşacaq.

Onlardan fərqli, İnci Məcidli (50 kq) və Ömər Aslanlı (54 kq) yarımfinalda məğlub olduqlarından bürünc medala sahib olublar.

Qeyd edək ki, bu gün keçiriləcək final döyüşlərində həmçinin Banuçiçək Nəsirli (46 kq) Silviya Meltzerlə (Rumıniya), Özləm Həsənova (63 kq) Amaliya Tuqu (Rumıniya) ilə üz-üzə gələcək.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Mart 2024
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31