NHL-in ən yaxşı mərkəz hücumçusunun adı açıqlandı

Oyunçular, məşqçilər və baş menecerlər arasında Milli Hokkey Liqasının (NHL) ən yaxşı mərkəz hücumçusu ilə bağlı 2 aya yaxın davam edən sorğu yekunlaşıb.

Futbolxeber.az saytının məlumatına görə, ESPN-in keçirdiyi sorğuda qalib “Edmonton”un hücumçusu Konnor Makdevid olub. O, respondentlərdən 200 bal alıb.

Oston Mettyus (“Toronto”) 167 xalla ikinci, Netan Makkinon (“Kolorado”) isə 130 xalla üçüncü yeri tutub.

İlk onluqda həmçinin, Sidni Krosbi (“Pittsburq”, 104), Leon Drayzaytl (“Edmonton”, 103), Aleksandr Barkov (“Florida”, 90), Beyden Poynt (“Tampa-Bey”, 79), Cek Hyuz (“Nyu-Cersi”, 46), Patris Berjeron (“Boston”, 39) və Teydj Tompson (“Baffalo”, 28) yer alıb.