Boksçularımızın uğurlu çıxışı davam edir: 3 təmsilçimiz yarımfinalda

Türkiyənin Samsun şəhərinde davam edən Avropa qitəsi boksçularının lisenziya xarakterli turniri davam edir. Futbolxeber.az saytına Boks federasiyasının mətbuat xidmətindən verilən məlumata görə, günün ilk yarısında rinqə çıxan 64 kq çəki dərəcəsində qüvvəsini sınayan Lorenso Sotomayor yunanıstanlı Aleksandros Tsanikidisle qarşılaşıb. Avropa Oyunlarının qalibi olan idmançımız yunan rəqibinə qalib gələrək yarımfinala yüksəlib.

81 kq çəki dərəcəsində döyüşən Teymur Məmmədov isə türkiyeli rəqibi Mehmet Ünala uduzaraq yarımfinaldan kənarda qalıb.

Ən ağır çəkidə ölkəmizi təmsil edən ikiqat dünya çempionumuz Məhəmmədrəsul Məcidov italiyalı Quido Vianelloya qalib gələrək yarımfinala adlayıb.

Qadın idmançımız - 60 kq çəki dərəcəsində çıxış edən Yana Alekseyevna 1/4 finalda isveçli Anye Aleksiussonla döyüşdə qələbə qazanaraq yarımfinala yükselib.

Günün ikinci yarısında ise Abdulkadir Abdullayev, Cavid Çelebiyev ve Rüfet Hüseynov 1/4 final görüşü çərçivəsində rinqə çıxacaq.