Tino Peres: “Bu gün yaxşı oynaya bilmədik”

"İlk olaraq hər kəsi təbrik edirəm. Gərgin oyun keçdi. Amma nəticədə dünya çempionatına vəsiqəni biz qazandıq". Futbolxeber.az saytının məlumatına görə, bunu futzal üzrə Azərbaycan millisinin baş məşqçisi Tino Perez deyib.

Dünya çempionatının pley-off mərhələsinin cavab görüşündə Hollandiya ilə keçirilmiş oyundan sonra ispaniyalı mütəxəssis bunları bildirib: "Hollandiya yığması qeyri-peşəkardır. Buna baxmayaraq, onlar daha çox maaş alır. Ancaq mən ilyarımdır ki, burada işləyirəm və yüksək nəticə üçün çalışırıq. Dünya çempionatındakı şansımıza gəlincə, bu püşkdən asılıdır. Düşünürəm ki, qrupdan çıxmaq bizim üçün uğur olardı. Bu gün biz yaxşı oynaya bilmədik. Bizdə milli komanda "Araz Naxçıvan"dan toplanıb. Bir komanda olduğu üçün bu mənim üçün daha asandır”.